Miljøterapeutar i 100% fast stilling☆ Save

Job Description

Original text in Norwegian, as published by the employer.

Om stillinga og arbeidsstaden

Ved Stavanger Akuttsenter avd. Madla har vi ledig to faste stillinger som miljøterapeut i 100 % stilling. Det kan også bli ledig vikariat i ulike stillingsstørrelse og lengde.

Stavanger akuttsenter har to akuttinstitusjonsavdelingar for ungdom mellom 13 og 18 år, lokaliserte på Madla (5 plassar) og Røyneberg (3 plassar). Vi søkjer no ved avdeling Madla to faste miljøterapeuter i 100% stilling. Hos oss vil du få ein variert og spennande arbeidskvardag. Vi jobbar etter eit felles fagleg rammeverk som byggjer på grunnleggjande miljøterapi, og har som målsetjing å skape positiv utvikling gjennom trygge relasjonar, tydelege rammer og støtte til å regulere tankar, kjensler og åtferd. Som miljøterapeut hos oss får du bidra til å gi ungdom tryggleik, struktur og omsorg. Du blir ein viktig vaksen i kvardagen til barna, og får bli ein del av eit dedikert fagmiljø som tek samfunnsoppdraget på alvor og jobbar målretta for å skape stabile og utviklande rammer. Avdelingane har turnus som omfattar dag- og kveldsvakter (8-16 timar), nattevakter samt statleg langturnus (2-7, 2-7, 3-7).

Arbeidsoppgåver

I vårt kollega fellesskap bidrar vi praktisk arbeid både for og med ungdommar. Målet vårt er å stabilisere ungdom i krise og førebyggje vidare negativ utvikling.

Korleis oppnå dette målet:

• Dagleg omsorg og oppfølging av ungdommar, samt praktiske oppgåvar i avdelinga.
• Krise- og stresshandtering, traumearbeid og rusproblematikk.
• Førebyggje og handtere åtferd/hendingar der ungdom kan skade seg sjølv eller andre.
• Rettleie og setje grenser på ein utviklingsstøttande måte.
• Kartleggje styrkane og behova til ungdommen, utarbeide og følgje opp planar på ein fagleg og systematisk måte.  
• Vareta rettstryggleiken til ungdommen ved hjelp av god dokumentasjon.
• Bruke kunnskapsbaserte metodar, standardiserte forløp og brukarmedverknad.
• Sikre tverrfagleg samhandling med kommunal barnevernsteneste, føresette, sosialt nettverk, skule, helse og arbeid. 
• Reflektere over eiga rolle og funksjon i møte med barn, unge, familiar, kollegaer og samarbeidspartnarar.

Kva bakgrunn har du?

Må-krav:

• Du må ha minimum treårig relevant høgskule-/universitetsutdanning innan for sosialt arbied, barnevernpedagog eller vernepleie, gjennomført bachelorgrad eller tilsvarande 180 studiepoeng innanfor relevante fagområde vil kunna vurderast.
• Kommunisere godt både skriftleg og muntleg på norsk (minimum tilsvarande nivå B2).
• Ha førarkort klasse B.

Bør-krav:

• Kompetanse på å gjere faglege vurderingar, tilpasse tiltaka til ungdommane og dokumentere desse skriftleg.
• Evne til å forstå og bidra til gode endringsprosessar, på individuelt og systemisk nivå.
• Arbeidserfaring fra institusjon og ungdom i krisar vil vektleggast
• Kjennskap til lov om barnevern
• Erfaring fra arbeid med traumebevisst omsorg

Personlege eigenskapar

Kven ser vi etter:

• Hardfør/emosjonelt robust - Du har evna til å meistre stress gjennom å sjå utfordringar som handterlege, meiningsfulle og kontrollerbare.
• Sjølvrefleksiv - Du har evna til å betrakte, sortere og skilje mellom eigne og andres opplevingar, synspunkt, oppfatningar eller behov.
• Verdibasert - Du identifiserer deg med, oppfører deg og arbeider i tråd med samfunnsoppdraget vårt og kjerneverdiane våre «Respekt, openheit, deltaking».
• Motivert for å jobbe for barnets beste.
• Samarbeid- Evne til å samarbeida med andre på en god og støttande måte

Kva får du hos oss?

• gode samarbeidsrelasjonar, samt dyktige og motiverte medarbeidarar 
• eit engasjert og godt fagleg miljø der du vil ha gode støttespelarar i arbeidskvardagen 
• deltaking i teamarbeid med terapeutar og leiing 
• gode moglegheiter for fagleg og personleg utvikling 

• gratis parkering ved eininga 

  I tillegg til dette får du vere med på å løfte oss slik at vi kan gi barn, ungdom og familiar eit endå betre tilbod, og det meiner vi har stor verdi i seg sjølv.

  Lønn og tilsetjingsvilkår: 

• Stillinga er plassert i statleglønsregulativi stillingskode 1495 barnevernspedagog, 1494 sosionom, 1508 vernepleiareller 1489 miljøterapeut, p.t. kr 490000 –640 000 pr. år.
• Ved relevant vidareutdanningtilsvarande 60 studiepoeng, kan det tilsetjast i stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar, 1534 spesialutdanna miljøterapeut, p.t kr. 540000–690 000 pr. år.
• Ved godkjenning som klinikar, kan det tilsetjast i stillingskode 1173 klinisk sosionom eller 1496 klinisk barnevernspedagog, p.t. kr. 580 000–690 000 pr. år.
• Lønn og stillingskode blir vurdert etter utdanning og erfaring. 
• Medlemskap i Statens pensjonskasse med gode låne-, pensjons- og forsikringsordningar (http://spk.no). Frå lønna blir 2 % pensjonsinnskot trekte.

Opplysningar til deg som søkjar

• Vi søkjer etter dei beste hovuda uavhengig av kulturell bakgrunn, alder, hol i CV eller funksjonsevne, og oppmodar alle kvalifiserte kandidatar til å søkje jobb hos oss.
• Stillinga er for tida lagd til Stavanger Akuttsenter avd. Madla.
• Politiattest må leggjast fram ved tilsetjing, jf. lov om barnevern § 12-11 andre ledd og forskrift om politiattest § 7. Denne attesten skal ikkje leggjast ved søknaden.
• Du kan be om å ikkje bli oppført på den offentlege søkjarlista. Dette må i så fall grunngivast. Vi kontaktar deg dersom ønsket ditt ikkje blir teke til følgje.
• Prøvetid i samsvar med statsansatteloven.
• Opplever du tekniske utfordringar når du fyller ut søknaden, tilrår vi at du tek kontakt med teknisk support hos Grade Jobbnorge.

Kva skal søknaden din innehalde? 

For å bli vurdert som søkjar må du fylle ut felta for utdanning og arbeidserfaring, og leggje ved vitnemål og attestar med bekrefta stillingsstorleik. 

Vitnemål skal lastast opp frå Vitnemålsportalen. 

Har du utdanning frå utlandet må du leggje ved godkjenning frå Direktoratet for høgare utdanning og kompetanse.

Ber om at du legg inn kopi av fysisk førarkort, samt skjermbilde av kontrollbildet på digitalt førarkort eller skjermbilde av førarkortstatus på vegvesenet.no

Source: NAV — Arbeidsplassen.no (Norwegian Labour and Welfare Administration) · Retrieved 2026-11-07 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.

Apply on official site →   View on Arbeidsplassen.no

Norwegian terms found in this ad (quick glossary, not a translation of the ad)

Related Searches

Miljøterapeutar i 100% fast stilling, Miljøterapeutar i 100% fast stilling jobs, Miljøterapeutar i 100% fast stilling Stavanger, jobs in Stavanger, Bufetat jobs, Helse og sosial jobs Norway, stillinger Stavanger

More Real Openings in This Field

More jobs at Bufetat

More Health & social care jobs in Stavanger