Kultur☆ Save

Job Description

Original text in Norwegian, as published by the employer.

Vil du være med å utvikle eit inkluderande, aktivt og helsefremjande lokalsamfunn?

Vi søkjer ein engasjert og utviklingsorientert samfunnsutviklar som skal styrkje samspelet mellom kultur, folkehelse, frivilligheit, innbyggjarar og kommunale tenester. Gjennom denne stillinga ønskjer vi å vidareutvikle kultur som ein sentral ressurs for livskvalitet, deltaking, tilhøyrsle og god helse.

Stillinga skal bidra til å utvikle framtidsretta velferdsløysingar, styrkebasert lokalsamfunnsutvikling og tverrsektorielt samarbeid. Eit sentralt mål er å mobilisere ressursane som finst i menneske, kultur- og organisasjonsliv, nærmiljø og lokalsamfunn, og skape arenaer der innbyggjarane kan oppleve meistring, fellesskap og deltaking.

Arbeidsoppgåver

• Koordinere og vidareutvikle kommunen sitt folkehelsearbeid.
• Fremje kultur som helseressurs og integrere kulturperspektivet i kommunen sitt folkehelse- og samfunnsutviklingsarbeid.
• Utvikle samarbeid mellom kultursektoren, helse- og omsorgstenester, oppvekst, frivillige organisasjonar og andre samfunnsaktørar.
• Leggje til rette for kulturaktivitetar som fremjar inkludering, deltaking, tilhøyrsle og livskvalitet.
• Koordinere og vidareutvikle samarbeidet med frivillig sektor.
• Stillinga skal bidra til å utvikle framtidsretta velferdsløysingar som legg til rette for deltaking, meistring og bruk av eigne ressursar.
• Initiere og leie tverrsektorielle utviklingsprosjekt.
• Arbeide med styrkebasert lokalsamfunnsutvikling gjennom mobilisering av lokale ressursar, nettverk og initiativ.
• Bidra i kommunale plan- og strategiarbeid innan kultur, folkehelse og samfunnsutvikling.
• Søkje ekstern finansiering og følgje opp prosjekt og tilskotsordningar.

Vi ser etter deg som:

• Har tru på kultur som drivkraft for helse, trivsel og samfunnsutvikling.
• Er god til å byggje relasjonar og skape samarbeid mellom ulike aktørar.
• Ser ressursar og moglegheiter i menneske, organisasjonar og lokalsamfunn.
• Er initiativrik og får idear omsett til handling.
• Trivst i skjæringspunktet mellom strategi, utviklingsarbeid og praktisk gjennomføring.

Kvalifikasjonar:

Krav til utdanning

• Relevant høgare utdanning på bachelor- eller masternivå innan folkehelse, kulturfag, samfunnsvitskap, sosialfag, organisasjonsutvikling, innovasjon, planlegging eller tilsvarande.
• Særleg relevant erfaring kan i særskilde tilfelle kompensere for delar av utdanningskravet.
• Førarkort klasse B

Krav til erfaring

• Erfaring frå prosjekt-, utviklings- eller endringsarbeid.
• Erfaring med koordinering og samarbeid på tvers av fagområde og organisasjonar.
• Erfaring med nettverksbygging og relasjonsarbeid.
• God skriftleg og munnleg framstillingsevne på norsk.

Det er ønskjeleg at du har:

• Erfaring frå kommunal forvaltning eller offentleg sektor.
• Kompetanse innan folkehelsearbeid og førebyggjande innsats.
• Erfaring frå kultursektoren og kunnskap om kultur som helsefremjande verkemiddel.
• Erfaring med frivillig sektor, samskaping og innbyggjarmedverknad (styrkebasert lokalsamfunnsutvikling, ABCD-metodikk eller tilsvarande).
• Erfaring med søknadsskriving, tilskotsforvaltning og prosjektfinansiering.
• Erfaring med plan- og strategiarbeid.

Personlege eigenskapar:

Vi ser etter deg som:

• Har stort engasjement for folkehelse, kultur og samfunnsutvikling.
• Er initiativrik, sjølvstendig og gjennomføringssterk.
• Er ein god relasjonsbyggjar som evnar å skape tillit og samarbeid.
• Har strategisk blikk og evne til å sjå samanhengar på tvers av sektorar.
• Er strukturert og systematisk i oppfølging av prosjekt og prosessar.
• Har tru på at innbyggjarar, frivillige og lokalsamfunn er viktige ressursar i utviklinga av framtidas velferdssamfunn.

Personlege eigenskapar vil bli tillagt stor vekt.

Dei formelle krava til utdanning og erfaring må dokumenterast med vitnemål og attestar. 

Vi tilbyr:

• Gode pensjons- og forsikringsordningar
• IA bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Anna: 

Stillinga ligg i kommunalsjefområde Samfunnsutvikling og rapporterar til kultursjef.

Arbeidsstad: Kulturkontoret på Liljevatnet, Arefjordvegen 290, 5355 Knarrvik

Kontaktperson:

Samhandlings- og utviklingssjef Elin Helland-Jooste, mob. 922 05 747

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.

Source: NAV — Arbeidsplassen.no (Norwegian Labour and Welfare Administration) · Retrieved 2026-11-07 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.

Apply on official site →   View on Arbeidsplassen.no

Norwegian terms found in this ad (quick glossary, not a translation of the ad)

Related Searches

Kultur, Kultur jobs, Kultur Øygarden, jobs in Øygarden, Øygarden kommune Kultur og innbyggardialog jobs, Kontor og økonomi jobs Norway, stillinger Øygarden

More Real Openings in This Field

More Office & finance jobs in Øygarden