← All Jobs in Norway

Off. godkjent sjukepleiar med teamleiarfunksjon☆ Save

Job Description

Original text in Norwegian, as published by the employer.

Er du sjukepleiar og ser etter nye utfordringar? Ved Vartdal helsetun er det ledig sjukpleiestilling med teamleiarfunksjon frå 01.12.2026. 

 

Vartdal helsetun er lokalisert ca. 24 km frå Ørsta sentrum i retning Ålesund. Helsetunet har 28 plassar og 4 trygdebustadar. Dei administrerer også heimebaserte tenester i Vartdal regionen. 
Vi søkjer etter ein fagleg engasjert og ansvarsfull medarbeidar som ønsker å vere med på å vidareutvikle ei teneste i endring. Du må kunne jobbe sjølvstendig i ein hektisk kvardag og du får dyktige kollegaer på laget. Vi jobbar målretta med individuell pleie og omsorg med høg kvalitet. Vi søkjer etter ein inspirert medarbeidar som kan bidra til optimal livskvalitet for den enkelte bebuar, og til fagleg utvikling av eininga.

Arbeidsoppgåver

• pleie og helsefagleg oppfølging med vekt på kvalitet, meistring og heilskapleg omsorg.
• bruke fagkunnskap, kliniske vurderingar og velferdsteknologi for å skape trygge og gode tenester. 
• samarbeid med pårørande og kollegaer på tvers av tenester og fagområder.
• dokumentere og følgje opp helsehjelp i fagsystem og bidra til kvalitet og kontinuitet i tenestene

Til denne stillinga er det knytt ein teamleiarfunksjon. Dette betyr at du vil få eit særleg ansvar for:

• koordinering og oppfølging av det dagleg arbeidet og oppgåver som legemiddelhandtering, ernæring og pasienttryggleik
• gjennom rettleiing av medarbeidarar, studentar og lærlingar styrke det faglege arbeidet kring brukarane
• følgje opp systematisk kvalitetsarbeid og utarbeiding av rutinar og prosedyrer

Justeringar og endringar innan for arbeidsgjevar sin styringsrett kan skje i samsvar med det som er kommunen sine behov til ei kvar tid.

Kvalifikasjonar

• Off. godkjent sjukepleiar
• Relevant arbeidserfaring
• Du må ha gode digitale ferdigheiter og kunne nytte digitale fagsystem og velferdsteknologiske løysingar som ein naturleg del av arbeidet.
• Du må god skriftleg og munnleg framstillingsevne. Kommunen sitt skriftspråk er nynorsk.
• Førarkort klasse B
• Det vert stilt krav om politiattest ved tilsetting 

Personlege eigenskapar

Vi ser etter deg som: 

• er fagleg engasjert og ønskjer å lære og utvikle deg saman med kollegaene dine
• har interesse for arbeid med eldre og ønskjer å bidra til gode dagar for brukarane våre
• trivst med ein variert arbeidskvardag og endringar i arbeidsoppgåver og behov
• tek ansvar og arbeider strukturert og sjølvstendig
• samarbeider godt og kommuniserer tydeleg med andre
• er løysingsorientert og bidreg til eit godt arbeidsmiljø

Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju.

Vi tilbyr

Som sjukepleiar hos oss får du arbeide tett på menneske og bidra til gode og trygge helse - og omsorgstenester. Du får faglege utfordringar, kollegaer som bryr seg om kvarandre og ein arbeidsplass der vi jobbar aktivt for å finne dei gode løysingane. 

Vi satsar på:

• eit fagmiljø oppteken av kvalitet og utvikling og der du får vere med å påverke tenesta
• fag - og kompetanseutvikling gjennom e-læring, kurs og internundervisning
• årsturnus og langvakter
• eit arbeidsmiljø der vi støttar kvarandre og med kort veg mellom medarbeidarar og leiar
• Gode forsikrings og pensjonsvilkår:
  Ørsta kommune har gode forsikringsordningar  i KLP for sine tilsette, som også inkl. frivillig ulukkesforsikring på fritida. Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.

 

Arbeidsvilkår: 100 % dag/kveld inkl. helgar

Stillinga er plassert i HTA kap. 4 gr. 2 -stillingar med krav om minimum 3-årig høgskuleutdanning
Stillingskode 7174 sjukepleiar  

Løn: etter avtale

Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. 

Prøvetid
Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf AML §14.

Dokumentasjon 
Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Om offentleg søkjarliste  
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga. 

Kontaktinformasjon

Sara Vartdal Vinjevoll, Avd.leiar Vartdal helsetun, 900 35 366, sara.vartdal.vinjevoll@orsta.kommune.no
Ingunn Gjengedal, kommunalsjef Helse omsorg og velferd, 92436245, ingunn.gjengedal@orsta.kommune.no

Arbeidsstad

6170 Vartdal

Nøkkelinformasjon:

Arbeidsgivar: Ørsta kommune

Referansenr.: 5191451459
Stillingsprosent: 100%
Fast
Søknadsfrist: 08.11.2026

Source: NAV — Arbeidsplassen.no (Norwegian Labour and Welfare Administration) · Retrieved 2026-11-07 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.

Apply on official site →   View on Arbeidsplassen.no

Norwegian terms found in this ad (quick glossary, not a translation of the ad)

Related Searches

Off. godkjent sjukepleiar med teamleiarfunksjon, Off. godkjent sjukepleiar med teamleiarfunksjon jobs, Off. godkjent sjukepleiar med teamleiarfunksjon Ørsta, jobs in Ørsta, Vartdal helsetun jobs, Helse og sosial jobs Norway, stillinger Ørsta

More Real Openings in This Field

Erfaringskonsulent i  fast, 100% stilling ved Dagavdelingen
MO-senteret Gyldenpris, Bergen kommune · BergenHelsefagarbeider i omsorgsteam
Hjemmebaserte tjenester i Fana og Ytrebygda, Bergen kommune · BergenBofellesskap sentralt i Åsane søker flere ekstravakter -  aktuelt for  helsefagarbeidere og ufaglærte
Hjemmebaserte tjenester i Arna og Åsane, Bergen kommune · BergenFast 100% stilling som vernepleier/sykepleier ved Tverrfaglig Overdoseteam
MO-senteret Gyldenpris, Bergen kommune · BergenSosionom i 100% fast stilling
MO-senteret Gyldenpris, Bergen kommune · Bergen

More Health & social care jobs in Ørsta

Pleiemedarbeidar Vartdal helsetun, vikariat
Omsorg og sjukeheim, Ørsta kommuneLegevikariat
Helse, omsorg og velferd, Ørsta kommuneTO SANSEVERDENER. ÉN VIKTIG JOBB.
Medvind Assistanse ASJeg søker flere gode hjelpere til hverdagen min i Ørsta
Mio BPA