Original text in Norwegian, as published by the employer.
Vil du vera med å setja preg på musikklivet i Sauda?
Me søkjer ein engasjert og fleksibel musikar til eit vikariat i full stilling.
Sauda ligg vakkert til ved enden av ein fjord omkransa av flotte fjell, ein liten by der det skjer mykje, med rikt organisasjonsliv og mange arrangement. Me kan lokka med eit flott, særprega kulturhus i Folkets Hus, symjehall med heilårs oppvarma utebasseng, skitrekk, klatrehall, flotte tennis-, golf- og minigolfbanar, rekreasjonsområde, og ikkje minst mange fine turar både sommar og vinter.
Me søkjer nokon som kan tiltre 1. januar 2027 og jobba fram til 13. juni 2027, men det kan vera aktuelt å få forlenga vikariatet med ytterlegare eitt år. Vår fast tilsette organist kan eventuelt dekka påske 2027, dersom søkjaren ønskjer ferie i denne perioden.
Stillinga er nokså romsleg, og det er venta at søkjaren bidrar utover dei obligatoriske kyrkjelege handlingane, etter tid, evne og behov. Dette kan vera korverksemd, konsertar, samarbeid med solistar/forsongarar, orgelundervisning, trusopplæring, administrasjon, IT, bidra til kyrkjebladet, diakonalt arbeid, etc.
Me søkjer musikarar som er komfortable i fleire sjangrar. Søkjaren bør beherska både orgel og piano til eit visst nivå, men må gjerne bruka andre instrument i tenesta. Ei god stemme kjem òg godt med.
Bygg og instrument
Sauda kyrkje har to mekaniske barokkorgel frå Verschueren: hovudorgelet frå 2002 (2 manualar og pedalar, 19 stemmer) og eit lite kororgel frå 2000. I tillegg er det utstyrt med eit godt Yamaha-piano.
I Saudasjøen kapell står eit svært bra flygel frå Grotrian-Steinweg, samt eit orgel frå 1978 frå Norsk Orgel- og Harmoniumfabrikk (2 manualer, pedalar, svellpedal, 11 stemmer).
Gravkapellet på Solbrekk er utstyrt med eit enklare 1-manuals orgel med 5 stemmer og eit Fazer-piano.
Hellandsbygd kapell har eit 1-manuals orgel med 3 stemmer.
Arbeidstid
Tre arbeidshelger i månaden, fri måndagar og dei fleste laurdagar (dei fleste vigslene er på sommaren). Utover høgtider og særskilde arrangement, er det éi gudsteneste kvar søndag, gravferder kvardagar utanom måndagar, gamleheimsandaktar på torsdagar. Arbeidstida er nokså fleksibel, og det er rom for å avspasera ein del dagar.
Arbeidsoppgåver
Planlegga og gjennomføra gudstenester og kyrkjelege handlingar i samarbeid med prest og stab
Leia og utvikla konsertar og annan kulturell verksemd
Orgelundervisning
Samarbeida med øvrig musikkliv, solistar og songarar
Ansvar for instrument
Delta i stabsmøte samt noko administrativt arbeid (ikkje mykje)
Hjelpa til i øvrig arbeid, etter tid og evne
Kvalifikasjonar
Kyrkjemusikalsk utdanning jf. tenesteordninga for kantorar i DNK
Andre søkjarar med høgare musikkutdanning vil òg bli vurdert, men blir då tilsett som organist/kyrkjemusikar
Medlem av Den norske kyrkja
Politiattest
Beherskar norsk munnleg og skriftleg
Aktuelle kandidatar blir innkalt til intervju og prøvespel
Må disponera bil eller sykkel
Personlege eigenskapar
Gode samarbeidsevner og fleksibilitet
Tek initiativ, kan arbeida sjølvstendig
Me tilbyr
Fleksibel arbeidstid
Eige kontor på Sauda kyrkjekontor
Løn og godtgjersle etter KA-tariff og pensjonsordning i KLP
Gode øvingslokale og instrument
Hjelp til å finna mellombels bustad (Sauda har låge leigeprisar og korte avstandar)
Source: NAV — Arbeidsplassen.no (Norwegian Labour and Welfare Administration) · Retrieved 2026-11-07 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.
Apply on official site → View on Arbeidsplassen.no
| Norwegian | English |
|---|---|
| pensjonsordning | pension scheme |
| politiattest | police certificate (criminal record check) |
| arbeidstid | working hours |
| utdanning | education |
| samarbeid | cooperation / teamwork |
| fleksibel | flexible |
| vikariat | temporary cover (substitute) |
| intervju | interview |
| stilling | position / job |
| tariff | collective agreement scale |
| ansvar | responsibility |
| ferie | holiday |
| norsk | Norwegian |
Type the gross monthly salary you were offered. We apply the 2026 tax rules and subtract an average rent from SSB.
Method: national insurance 7.6%, standard deduction 46% (max NOK 95,700), personal allowance NOK 114,540, ordinary income tax 22% (assumed unchanged; verify), bracket tax 1.7/4.0/13.7/16.8/17.8%. Ignores pension, union fees, deductions, municipal differences and holiday-pay timing. Rent = SSB 2025 survey average, not a current asking price. Food, energy, transport and insurance must still come out of what is left. Not advice.
Click a county or a city. Counties: Oslo · Østfold · Akershus · Buskerud · Innlandet · Vestfold · Telemark · Agder · Rogaland · Vestland · Møre og Romsdal · Trøndelag · Nordland · Troms · Finnmark.
100% vikariat som kantor/kyrkjemusikar i Sauda, 100% vikariat som kantor/kyrkjemusikar i Sauda jobs, 100% vikariat som kantor/kyrkjemusikar i Sauda Sauda, jobs in Sauda, Sauda kyrkjelege fellesråd jobs, Kultur og kreative yrker jobs Norway, stillinger Sauda