Original text in Norwegian, as published by the employer.
Vil du bidra til trygg mat frå jord til bord? Vi har ei ledig stilling som veterinær i seksjon raudt kjøtt vest, med kontorsted i Sandeid/Ølen. Seksjonen er ein del av avdeling slakteri, i Tilsynsdivisjon landdyr og slakteri.
Som veterinær ved slakteri har du ei sentral rolle i arbeidet med å sikre trygg mat, god dyrevelferd og overvaking av dyrehelse. Gjennom kontroll og tilsyn bidrar du til at maten som blir produsert i Noreg, er trygg, og til å halde ved like tilliten til norsk matproduksjon. Hos oss får du ein variert arbeidskvardag der du bruker heile breidda av den veterinærfaglege kompetansen din.
Du blir ein del av eit engasjert fagmiljø med gode moglegheiter for fagleg utvikling og tett samarbeid med dyktige kollegaer. Om du trivst med å jobbe saman med andre, tar ansvar for eigen arbeidskvardag og har god rolleforståing, får du hos oss høve til å gjere ein konkret forskjell – saman med kollegaer som brenn for faget. Bli med på laget og som skal trygge framtida for menneske, dyr og natur!
Sentrale arbeidsoppgåver
Oppgåver innan kjøttkontroll, slakteritilsyn, dyrevelferd og dyrehelse.
Du gjer offentlege kontrollar, hovudsakleg på slakteri, men også i dyrehald. Du gir informasjon og rettleiing til verksemdene vi fører tilsyn med, og kommuniserer med samarbeidspartnarane våre.
Saksbehandling og regelverkstolking.
Vi er ein beredskapsorganisasjon, noko som betyr at du må bidra til å handtere kritiske situasjonar – i samarbeid med andre offentlege etatar og bransjeaktørar.
Andre oppgåver må påreknast ved behov, for eksempel må du i sesong rekne med å bidra også utanfor slakteriet med viltkontroll.
Kvalifikasjonskrav Du må:
Ha norsk autorisasjon som veterinær.
Ha god skriftleg og munnleg framstillingsevne på norsk.
Vere trygg i bruk av digitale verktøy og setje deg raskt inn i nye system.
Ha gyldig førarkort klasse B.
Ønskelege kvalifikasjoner
Vere offentleg godkjent veterinær, om ikkje må du å ta nødvendig opplæring i regi av Mattilsynet.
Ha relevant arbeidserfaring, spesielt erfaring frå slakteritilsyn og tilsyn med dyrehald. Klinisk praksis og anna erfaring frå produksjonsdyrnæring tel også positivt.
Ha erfaring frå offentleg forvalting.
Personlege eigenskapar
Du trivst med å jobbe i team og har gode samarbeidsevner, men jobbar også sjølvstendig og tar ansvar for eigne oppgåver.
Du har god rolleforståing, og kan vurdere faglege problemstillingar i eit heilskapleg perspektiv og finn gode løysingar.
Du er trygg i faglege vurderingar og evnar å stå i krevjande situasjonar.
Du arbeider strukturert og effektivt, leverer kvalitet i arbeidet og greier å tilpasse deg endringar.
Du har gode kommunikasjonsevner og kan formidle faglege vurderingar på ein tydeleg og forståeleg måte.
Du bidrar til eit positivt arbeidsmiljø og trivsel på arbeidsplassen.
Personlege eigenskapar og korleis du passar inn i teamet, er ein viktig del av vurderinga.
Vi tilbyr
Fast stilling som førsteinspektør (stillingskode 1498), med lønn etter avtale, avhengig av utdanning, erfaring og kompetanse. For tida frå kr 700 000 til kr 770 000 for tilsvarande stillingar i Mattilsynet. For spesielt kvalifiserte søkarar kan vi vurdere seniorinspektør (stillingskode 1499) og høgare lønn.
Gode arbeidsforhold og kompensasjon for ukomfortabel arbeidstid i samsvar med gjeldande regelverk og særavtale.
Ein arbeidsplass der vi ser og oppmuntrar kvarandre.
Arbeid med eit spennande og viktig samfunnsoppdrag.
Medlemskap i Statens pensjonskasse med gode pensjons-, lån- og forsikringsordningar.
Kontaktinformasjon Ta gjerne kontakt med seksjonssjef i raudt kjøtt vest, Gro Eliassen, på mobil 95020293, om du har spørsmål om stillinga.
Slik søker du Søknader blir berre mottatt elektronisk. Vi ber om at du lastar opp vitnemål via Vitnemålsportalen. Dette sikrar ei enkel og sikker overføring av dokumenta dine. For meir informasjon om korleis du bruker Vitnemålsportalen, besøk vitnemålsportalen.no. Søkarar som ikkje har moglegheit for det, legg inn attestar og vitnemål som vedlegg til søknaden.
Saman tryggar vi framtida for menneske, dyr og natur Det er både visjonen vår og eit uttrykk for korleis vi jobbar saman for å løyse det viktige samfunnsoppdraget vårt. Vi utviklar organisasjonen og løysingane vi leverer, med utgangspunkt i behova til brukarane våre.
I Mattilsynet er vi over 1 200 kollegaer over heile landet, med kompetanse på mange fagfelt. Vi er blant anna veterinærar, biologar, juristar, teknologar og medarbeidarar med bakgrunn innan næringsmiddelproduksjon og forvalting. Saman bidrar vi blant anna til trygg mat og trygt drikkevatn, god dyrehelse og dyrevelferd og god plantehelse.
Mattilsynet er eit statleg forvaltingsorgan og rapporterer til Landbruks- og matdepartementet, Helse- og omsorgsdepartementet og Nærings- og fiskeridepartementet. Du kan lese meir om oss på mattilsynet.no.
Inkludering og mangfald er ein styrke for Mattilsynet. Vi ønsker oss medarbeidarar med ulik kompetanse, fagkombinasjonar, livserfaringar og perspektiv – fordi det gjer at vi kan løyse oppgåvene våre enda betre. Har du funksjonsnedsetjing, hol i CV‑en og/eller innvandrarbakgrunn, oppfordrar vi deg til å krysse av for dette når du søker jobb hos oss. Vi kallar inn minst éin kvalifisert søkar frå kvar av desse gruppene til intervju. Får du jobben, legg vi til rette for deg. Avkryssingane blir berre brukte i rekrutteringsprosessen og til anonymisert statistikk.
Source: NAV — Arbeidsplassen.no (Norwegian Labour and Welfare Administration) · Retrieved 2026-11-06 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.
Norwegian terms found in this ad (quick glossary, not a translation of the ad)
Norwegian
English
lønn etter avtale
salary by agreement
kvalifikasjoner
qualifications
fast stilling
permanent position
autorisasjon
professional authorisation (licence)
kompetanse
competence / skills
arbeidstid
working hours
vi tilbyr
we offer
utdanning
education
samarbeid
cooperation / teamwork
erfaring
experience
intervju
interview
vitnemål
diploma / transcript
praksis
practice / internship
ansvar
responsibility
du har
you have
norsk
Norwegian
ledig
vacant
du er
you are
cv
CV / résumé
Does this salary work here? (estimate)
Type the gross monthly salary you were offered. We apply the 2026 tax rules and subtract an average rent from SSB.
Method: national insurance 7.6%, standard deduction 46% (max NOK 95,700), personal allowance NOK 114,540, ordinary income tax 22% (assumed unchanged; verify), bracket tax 1.7/4.0/13.7/16.8/17.8%. Ignores pension, union fees, deductions, municipal differences and holiday-pay timing. Rent = SSB 2025 survey average, not a current asking price. Food, energy, transport and insurance must still come out of what is left. Not advice.
Veterinær Sandeid/Ølen, Veterinær Sandeid/Ølen jobs, Veterinær Sandeid/Ølen Vindafjord, jobs in Vindafjord, Mattilsynet jobs, Natur og miljø jobs Norway, stillinger Vindafjord