Dataanalytikar☆ Save

Job Description

Original text in Norwegian, as published by the employer.

Vi ser etter ein analytisk og teknisk sterk dataanalytikar som vil forstå komplekse problemstillingar, utforske data og utvikle analysar og modellar som gir banken betre innsikt og avgjerdsstøtte. 

Du blir ein del av Innsikt, banken sitt fagmiljø for data og analyse, i avdelinga Økonomi og innsikt. Her får du jobbe med heile løpet frå problemstilling og rådata til analyse, modell og løysing. Stillinga har eit tydeleg tyngdepunkt innan analyse, men krev også at du arbeider sjølvstendig med datagrunnlag, programmering og nye metodar innan avansert analyse og kunstig intelligens. 

Vi arbeider mellom anna med Python, SQL, Snowflake, Microsoft Fabric og Power BI. 

Dette vil du jobbe med 

• Utforske og analysere data for å finne mønster, samanhengar og utviklingstrekk. 
• Utvikle analysar og modellar som gir betre innsikt, prediksjonar og avgjerdsstøtte. 
• Hente ut, strukturere og tilretteleggje data for analyse, modellering og KI. 
• Omsetje problemstillingar til tekniske og analytiske løysingar, og formidle resultat slik at dei kan brukast i praksis. 
• Utvikle og automatisere datadrivne løysingar, frå datagrunnlag til analyse og modell. 
• Utforske og ta i bruk nye metodar innan kunstig intelligens, generativ KI og agentbaserte løysingar. 

Kven ser vi etter? 

Vi ser etter deg som kombinerer sterk analytisk forståing med solid teknisk kompetanse. Du likar å utforske problemstillingar, teste hypotesar og finne samanhengar i data. Du evnar å gå frå ei problemstilling til datagrunnlag, analyse og modell, og utvikle resultat som andre kan forstå og bruke. 

Du treng ikkje vere systemutviklar, men du må ha god programmeringskompetanse og kunne arbeide sjølvstendig med kode, databehandling og moderne analyseverktøy. Du evnar å ta i bruk og vidareutvikle teknologiske løysingar, og er nysgjerrig på nye metodar og verktøy som kan gi betre innsikt og skape verdi for banken. 

Du har relevant høgare utdanning innan til dømes informatikk, dataanalyse, matematikk, statistikk, økonomi med sterk kvantitativ retning eller tilsvarande. 

Vi ser gjerne at du har erfaring med fleire av desse områda: 

• Dataanalyse og statistiske metodar, gjerne også predikativ modellering. 
• Python og SQL for analyse, modellering og databehandling. 
• Utforsking og modellering av større og komplekse datamengder. 
• Databehandling og teknisk tilrettelegging av datagrunnlag for analyse og KI. 
• Visualisering og formidling av analysar og innsikt ved bruk av moderne verktøy. 
• KI-verktøy og generativ KI, gjerne med erfaring eller interesse for KI-agentar og agentbaserte løysingar. 

Erfaring med Snowflake, Microsoft Fabric eller tilsvarande data- og analyseplattformer er ein fordel. 

Kvifor jobbe hos oss? 

Hos oss får du vere med på å utvikle korleis ein av regionens leiande finansaktørar nyttar data, analyse og ny teknologi i praksis. 

Du blir ein del av eit tverrfagleg fagmiljø med høg kompetanse innan økonomi, data, teknologi og styring. Vi har korte avgjerdsvegar, stor tillit til medarbeidarane våre og gode moglegheiter til å påverke både løysingar og retning. 

Vi investerer i moderne teknologi og kompetanseutvikling, og legg til rette for at du skal kunne utvikle deg både fagleg og personleg. 

Vi tilbyr mellom anna: 

• Fleksibel arbeidstid. 
• Gode pensjons- og forsikringsordningar. 
• Funksjonærvilkår på banktenester. 
• Medeigarskap gjennom eigenkapitalbevis. 
• Tilgang til banken sine hytter og leilegheiter. 

Har du spørsmål om stillinga? Ta gjerne kontakt med teamleiar Vidar Kjøpstad. 

Vi kallar inn aktuelle kandidatar fortløpande. 

Vi gjennomfører bakgrunnsundersøkingar av søkarar for å verifisere opplysningar som kjem fram av CV og annan dokumentasjon. Undersøkinga blir utført av Semac AS. 

Source: NAV — Arbeidsplassen.no (Norwegian Labour and Welfare Administration) · Retrieved 2026-11-07 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.

Apply on official site →   View on Arbeidsplassen.no

Norwegian terms found in this ad (quick glossary, not a translation of the ad)

Related Searches

Dataanalytikar, Dataanalytikar jobs, Dataanalytikar Sunnfjord, jobs in Sunnfjord, SpareBank 1 Sogn og Fjordane jobs, IT jobs Norway, stillinger Sunnfjord

More Real Openings in This Field

More jobs at SpareBank 1 Sogn og Fjordane