Original text in Norwegian, as published by the employer.
Vil du vere strategisk leiar hos Statsforvaltaren i Møre og Romsdal?
Statsforvaltaren i Møre og Romsdal søkjer ein strategisk og utviklingsorientert leiar til stillinga som områdedirektør for berekraftig naturbruk.
Som områdedirektør får du ei sentral rolle i den strategiske leiinga av embetet. Du rapporterer til embetsleiinga og er medlem av den strategiske leiargruppa. Gjennom leiarskap, samordning og utvikling skal du bidra til å setje nasjonal politikk ut i livet og sikre gode løysingar på nokre av dei viktigaste samfunnsutfordringane i fylket.
Verksemdsområdet berekraftig naturbruk omfattar seksjonane for forureining, justis og beredskap, landbruk, naturforvaltning og plan og klima. Området forvaltar oppdrag frå fleire departement og direktoratsnivå og arbeider med spørsmål som har stor betydning for berekraftig utvikling, ressursforvaltning, samfunnstryggleik og framtidige generasjonar.
Dette er ei stilling for deg som ønskjer å påverke samfunnsutviklinga, byggje sterke fagmiljø og leie i kryssingspunktet mellom fag, politikk og forvaltning.
Ansvars- og arbeidsoppgåver
Som områdedirektør har du det overordna ansvaret for resultat, utvikling og leiing innan verksemdsområdet. Du skal
leie og vidareutvikle verksemdsområdet i tråd med nasjonale mål, styringssignal og embetet sine strategiar
leie fem underdirektørar og om lag 60 medarbeidarar
sikre god måloppnåing og effektiv ressursutnytting
bidra til heilskapleg leiing og utvikling av embetet gjennom aktiv deltaking i strategisk leiargruppe
følgje opp styringsdialog og oppdrag frå departement og direktoratsnivå
initiere og leie utviklings- og endringsarbeid
representere embetet i møte med kommunar, samarbeidspartnarar, direktorat og andre aktørar
byggje gode relasjonar og leggje til rette for god samhandling, læring og utvikling
bidra til eit trygt, inkluderande og utviklande arbeidsmiljø
Nødvendige kvalifikasjonar
Du må ha
relevant høgare utdanning på masternivå
minst fem års relevant leiarerfaring
gode dokumenterte resultat frå leiing og utviklingsarbeid
god kjennskap til offentleg forvaltning, gjerne gjennom eiga erfaring
erfaring med endringsleiing og strategiske utviklingsprosessar
svært god munnleg og skriftleg framstillingsevne på norsk. Vi nyttar hovudsakleg nynorsk som skriftspråk
førarkort klasse B
I særskilde tilfelle kan høgare utdanning på bachelornivå, kombinert med relevant etter- og vidareutdanning og lang, relevant praksis, kompensere for kravet om mastergrad.
Du må kunne tryggleiksklarerast til HEMMELEG før tiltreding.
Det er ein fordel om du
har leiarutdanning
har erfaring frå komplekse kunnskapsorganisasjonar
har erfaring med tverrfagleg samarbeid og samordning
har erfaring frå arbeid i skjeringspunktet mellom fag, politikk og forvaltning
Du lykkast i rolla dersom du
er ein tydeleg og samlande leiar som skaper retning, engasjement og resultat
byggjer tillit og gode relasjonar internt og eksternt
utviklar leiarar og medarbeidarar gjennom involvering, støtte og ansvarleggjering
arbeider strategisk og ser heilskap på tvers av fagområde
evnar å handtere komplekse problemstillingar og målkonfliktar
tek gode avgjerder også når omsyna er ulike og situasjonane krev prioritetingar
kommuniserer godt og skaper forståing for val og retning
utøver leiarskap med openheit, integritet og gjennomføringsevne
Personlege eigenskapar vil bli tillagde stor vekt.
Vi forventar at leiarskapet ditt byggjer på dei statlege leiarprinsippa og Statsforvaltaren sine verdiar: engasjert, rettferdig, open og kompetent.
Du er til stades, lyttande og tydeleg, gir ansvar og handlingsrom, handterer konfliktar på ein konstruktiv måte og bidreg til utvikling av både menneske og organisasjon.
Du må vere open for endringar i organisering, oppgåver og ansvarsområde.
Vi tilbyr
høgt kompetente fagmiljø og engasjerte leiarar
eit godt arbeidsmiljø prega av samarbeid, tillit og utvikling
gode moglegheiter for fagleg og personleg utvikling
medlemskap i Statens pensjonskasse med gode pensjons-, forsikrings- og låneordningar
Løn og vilkår Stillinga er lønt som områdedirektør (kode 1060) frå kr 1 200 000 til kr 1 400 000, avhengig av kvalifikasjonar, erfaring og lokal lønspolitikk. Dette er ei leiande stilling som er unntatt frå dei ordinære reglane om arbeidstid etter arbeidsmiljølova § 10-12. Stillinga er vidare unntatt frå:
hovudtariffavtalane sine reglar om kompensasjon for reiser, overtid og arbeid på ubekvem arbeidstid
særavtalen om fleksibel arbeidstid i staten
Tilsetting skjer etter gjeldande lover, reglement og avtalar. Prøvetida er seks månader.
Mangfald
Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.
Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).
Praktisk informasjon om søknadsprosessen
Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga. Det er viktig at du registrere all relevant utdanning og arbeidserfaring i kandidatprofilen du opprettar i rekrutteringssystemet (sjølv om du legg ved ein ferdigutfylt CV). Dette er nødvendig for at vi skal kunne vurdere søknadar frå deg og for å ivareta kravet om fullstendig søkjarliste.Relevante vitnemål og attester lastar du opp. Vitnemål og/eller karakterutskrifter henter du frå vitnemålsportalen om mogleg. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.
Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.
Om oss
Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».
Kontaktinformasjon Assisterande statsforvaltar Rigmor Brøste: rigmor.broste@statsforvalteren.no, mobil 926 59401 Administrasjonssjef Hilde M. Aure: hilde.aure@statsforvalteren.no, mobil 916 85560 Søknadsfrist: 15.11.2026
Source: NAV — Arbeidsplassen.no (Norwegian Labour and Welfare Administration) · Retrieved 2026-11-07 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.
Norwegian terms found in this ad (quick glossary, not a translation of the ad)
Norwegian
English
søknadsfrist
application deadline
arbeidsgiver
employer
engasjement
fixed-term engagement
godkjenning
approval / recognition
kompetanse
competence / skills
arbeidstid
working hours
vi tilbyr
we offer
utdanning
education
samarbeid
cooperation / teamwork
fleksibel
flexible
erfaring
experience
attester
certificates / testimonials
vitnemål
diploma / transcript
stilling
position / job
overtid
overtime
praksis
practice / internship
ansvar
responsibility
du har
you have
norsk
Norwegian
du er
you are
cv
CV / résumé
Does this salary work here? (estimate)
Type the gross monthly salary you were offered. We apply the 2026 tax rules and subtract an average rent from SSB.
Method: national insurance 7.6%, standard deduction 46% (max NOK 95,700), personal allowance NOK 114,540, ordinary income tax 22% (assumed unchanged; verify), bracket tax 1.7/4.0/13.7/16.8/17.8%. Ignores pension, union fees, deductions, municipal differences and holiday-pay timing. Rent = SSB 2025 survey average, not a current asking price. Food, energy, transport and insurance must still come out of what is left. Not advice.
Områdedirektør for berekraftig naturbruk, Områdedirektør for berekraftig naturbruk jobs, Områdedirektør for berekraftig naturbruk Molde, jobs in Molde, Statsforvaltaren i Møre og Romsdal jobs, Kontor og økonomi jobs Norway, stillinger Molde