Høgskulelektor i norsk☆ Save

Job Description

Original text in Norwegian, as published by the employer.

Ved Høgskulen på Vestlandet (HVL) er det ledig inntil to mellombelse stillingar i 100% som høgskulelektor i norsk ved Fakultet for lærarutdanning, kultur og idrett.

Stillinga(ne) inngår i Institutt for språk, litteratur, matematikk og tolking, og har campus Sogndal som arbeidsstad.

Stillinga(ne) har oppstart 01.01.2027, og har varigheit fram til 31.12.2027.

Ansvars- og arbeidsoppgåver:

Stillinga(ne) har følgjande ansvars- og arbeidsoppgåver:

• Undervise, rettleie og utvikle studentaktive læringsformer i tråd med krav i universitets- og høgskuleforskrifta. Arbeidsoppgåvene vil primært vere undervisning, rettleiing, vurdering, praksisoppfølging og utvikling av studentaktive læringsformer i norsk/norskdidaktikk knytt til grunnskulelærarutdanningane (1–7 og 5–10), barnehagelærarutdanninga og etter- og vidareutdanningar. I tillegg vil arbeidsoppgåver knytt til tilskotsordningar som ReKomp, DeKomp og Kompetanseløftet m.m. vere aktuelt.
• Institusjonsbyggjande arbeid irekna fagadministrative oppgåver og samhandling med eksterne partnarar.
• Aktivt bruke digitale verktøy i arbeidskvardagen.
• Undervisninga kan i nokre tilfelle bli lagt utanfor campus Sogndal.
• Ein må kunne undervise i nettbaserte emne.

Kvalifikasjonskrav:

Formell utdanning og kompetanse:

Kriteria for tilsetting i undervisnings- og forskarstilling går fram av Forskrift til universitets- og høyskoleloven. 

• For tilsetting som høgskulelektor må søkjar ha avlagt master/hovudfag med gode resultat, normalt A eller B på masteroppgåva, i norsk/norskdidaktikk/nordisk eller master i praktisk/skuleretta utdanningsvitskap med norskfagleg tematikk, master i didaktiske praksisar med norskfagleg masteroppgåve, eller i ei av grunnskulelærarutdanningane med masterfag i norsk.

Den som blir tilsett, må kunne undervise i dei sentrale emna i grunnskulelærarutdanningane og barnehagelærarutdanninga, også på nett. 

Mellombels stillingar på 1 år eller mindre vert ikkje vurdert av sakkyndig komite.

Personlege eigenskapar:

• Den som vert tilsett, må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel. 
• Høgt etisk medvit i møte med studentar, tilsette og samarbeidspartar er eit krav.
• Den som blir tilsett, må vere personleg eigna for stillinga.

Språkkrav:

• Undervisnings- og administrasjonsspråket er norsk, og søkjarar må kunne meistre norsk.

Fagmiljøet tek eit særleg ansvar for nynorsk skriftspråk.

Følgjande tel positivt i vurderinga:

• Relevant undervisningserfaring frå høgare utdanning og/eller barnehage og grunnskule 
• Norskfagleg kompetanse med relevans for stillinga, bl.a. undervisningskompetanse i både litterære og språklege emne
• Dokumentert utdanningsfagleg kompetanse på grunnlag av utdanning og/eller undervisning og rettleiing
• Kjennskap til norsk skule og barnehage generelt og lærarutdanningane spesielt
• Aktiv bruk av digitale verktøy i arbeidskvardagen og erfaring med pedagogisk bruk av IKT.

Korleis søkje på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen,  irekna:

• Søknadsbrev
• Oversikt over utdanning og relevat arbeidserfaring (CV)
• Attesterte kopiar av vitnemål og relevante attestar
• Dokumentert praktisk-pedagogisk kompetanse på grunnlag av utdanning og/eller undervising og rettleiing
• Ev. vitskapleg arbeid (inntil 5 stk.) og fullstendig publikasjonsliste

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søkjarar kan ikkje sende søknadar på e-post til enkeltpersonar ved høgskulen. 

Vi tilbyr:

• Gode pensjons- og forsikringsordningar i Statens pensjonskasse
• Spanande fagmiljø med moglegheit for kompetanseheving - og utvikling
• Høve for trening i arbeidstida

Stilling(ane) som høgskulelektor er lønna etter Statens lønsregulativ, i stillingskode 1008 - Høgskulelektor.

Frå løna vert det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Bakgrunnssjekk

For aktuelle stillingar gjennomfører HVL bakgrunnssjekk av søkjarar i samarbeid med ekstern leverandør, for å verifisere opplysningar som framgår av tilgjengelege dokument. Bakgrunnssjekk skjer alltid med kandidaten sitt samtykke, og tilsetting i desse stillingane forutset gjennomført bakgrunnssjekk. Aktuelle søkjarar vil motta nærmare informasjon om dette. 

Kontaktpersonar ved Høgskulen på Vestlandet er:

Assisterande instituttleiar Janne Sønnesyn

Tlf.: 90 59 74 51

E-post: janne.sonnesyn@hvl.no

Faggruppeleiar Vilde Strand Kompelien

Tlf.: 94 79 54 61

E-post: vilde.strand.kompelien@hvl.no

Inkludere, utfordre og samhandle

Les meir på våre heimesider.

Source: NAV — Arbeidsplassen.no (Norwegian Labour and Welfare Administration) · Retrieved 2026-11-08 · Not affiliated with or endorsed by NAV (the Norwegian Labour and Welfare Administration). Listings are removed from this site when NAV marks them inactive.

Apply on official site →   View on Arbeidsplassen.no

Norwegian terms found in this ad (quick glossary, not a translation of the ad)

Related Searches

Høgskulelektor i norsk, Høgskulelektor i norsk jobs, Høgskulelektor i norsk Sogndal, jobs in Sogndal, Høgskulen på Vestlandet jobs, Utdanning jobs Norway, stillinger Sogndal

More Real Openings in This Field

More jobs at Høgskulen på Vestlandet

More Education jobs in Sogndal